خلف كل تصميم حكاية
من أساسيات تجهيز المولود الجديد وجود البطانية أو البلانكيت، وكل مع كل طفل جديد بلانكيت جديد ، وتختلف أنواع البلانكيت منها قماش Minky أو القطن، بس فيه أنواع من البلانكيت تتوارث عبر الأجيال وهي النوع اللي يتم صنعه بطريقة الكويلتينج
هذا اللي كنت أبحث عنه بالسوق دايما وما ألاقيه، لحد ما يا اليوم اللي قررت فيه اني أصمم هذا النوع من البطانية/ البلانكيت عشان يتوارثونه الأجيال ويصير له معنى وطابع خاص
وحتى يكون مميز أكثر حبيت أضيف له طابع عربي كويتي، صممت لكم بلانكيت للأولاد والبنات وكل واحد منهم له ستايل و ألوان مختلفة
هذا البلانكيت مر بعملية تصنيع طويلة، قاربت على السنتين ، اختيار المصنع اللي ينفذه لي كان صعب ، وحتى ألاقي السعر اللي يناسب عملائي ، وبعد عدة تجارب فاشلة
قدرت أنفذه بهذا الجمال
والأجمل اني نفذته بالكويت
🇰🇼 يعني هو منتج كويتي ١٠٠٪ من تصميم إلى تنفيذ
اليوم أقدر أقول ان هذا المنتج هو فخر الصناعة الكويتية
شيخ الشباب
خلوني أعرفكم على بطانية/ بلانكيت الأولاد "شيخ الشباب" اخترت لهذا البلانكيت كوليكشن Leo من مجموعة الأقمشة اللي صممتها للأطفال، وشفت عليها عبارات تنقال عندنا تقريبا في كل بيت كويتي، الألوان اخترت درجات البرتقالي ، الأزرق ، الأخضر والرمادي
لوحة ألوان أعطت التصميم روح وحياة وصار كله نشاط، رسومات الأسد بأشكال مختلفة والأشجار اللي على شكل الأشكال الهندسية أعطت التصميم روح فكاهية طفولية وحركية بعد
أحلى البنات
زينة البنت دلعها وخجلها، أعرفكم على أحلى البنات سكر نبات ، تصميم بناتي كله دلع وجمال، استخدمت فيه مكس بين تصاميم من كوليكشن Ruby The Rabbit وتصاميم ورود من كوليكشن الزهور
اعتمدت لوحة ألوان بناتية من الوردي بدرجات، الأخضر، الرمادي، والأبيض
حبيت أضيف عبارات فيها دلع للبنوتات مثل
دلوعة ابوها
روح امها
منو قدكم أنا بنتكم
في التصميمين حبيت أضيف فكرة الكويليتنج بحيث ان يكون من مجموعة من الأقمشة موزعه بطريقة محددة ، والجزء الخلفي من البلانكيت بلون مختلف
كل قطعه فيها تفاصيل كثيرة تميزها عن الثانية، والأحلى ان ماراح تلاقون مثل هالقطعه بكل العالم لأنها من تصميمي وتنفيذي
اليوم اذا الأم بتزور مافي أحلى من هذا البلانكيت حق البيبي
اشرايكم فيه؟ حبيتوا الفكرة؟
لطلب بلانكيت شيخ الشباب
نحب نسمع رايكم
أي تصميم حبيتوا أكثر ؟ الولادي أو البناتي؟
و أكيد تقدرون تطلبون هالجمال من الموقع
2 comments
حلوة الفكرة والوان شرحه يعطيج العافية
عجيييب وايد حلو الفكرة روعه😻